Somah; song umah

Nepukin song inget tekén umah

Tongos nyalanang jelé melah

Suka duka peteng lemah

Ulian somah idupé bungah

Ulian somah idupé masi bisa benyah

Song umah timpal nemu pejah

Melahang matingkah

Solahang apang melah

Swadharma Rerama

Swadharma dadi rerama mula nuntun sentana

Ajahin nyurat aksara apang idupné maguna

Apang bisa ngalih sakaya munduhang ané madan artha

Swadharma dadi rerama mula ngupapira

Kulawarga apang idupé sejahtera yadiapin

Sadarana…

Swadharma dadi rerama patut satata tragia

Bekelin sentana aji tutur ané madan satua

Apang pedas i sentana encén ané maadan dharma

Muang adharma

Swadharma dadi rerama mula ngwetuang

Sentana ané manut sesana

Dasarin baan sastra agama apang suputra

URIP

Ring dija genah Sang Hyang Surya

Sané ical ring manah sujati

Galang nénten masunar

Peteng ucem

Magingsir doh ngaksi

Genah kosek

Olih panekek ngangguang kita

Wong tuara majekjek matanem pis aringgit

Gerit….

Kedék ngikik toyan panonné membah

Rah andih makekeb sekar mawa

Pamuput urip…